Kabarangayan sa Cuartero, Capiz, Padayon ang suporta sa mga kapulisan batok sa loose firearms

Padayon ang suporta sang mga residente kag kabarangayan sa Cuartero, Capiz sa kampanya sang kapulisan batok sa loose firearms ukon mga armas nga wala sang nagakaigo nga dokumento.

Sa interview sang Bombo Radyo kay Police Major Jesse Lapaña, Officer-in-Charge sang Cuartero Municipal Police Station, iya ginpahayag nga amat-amat nga nagasurender ang pila ka mga nagapanag-iya sang armas bilang suporta sa kampanya sang kapulisan.

Suno kay Lapaña, importante ang kooperasyon sang mga residente kag mga opisyal sang barangay agud mapadasig ang pagsurrender sang mga loose firearms kag malikawan ang posible nga paggamit sini sa krimen.

Dugang pa sang natungdan, tinutuyo sang amo nga kampanya nga masiguro ang seguridad kag kalinong sang banwa.