ROXAS CITY – Ginabulubanta nagdangat sa kapin P18,000 ang nangin kahalitan sa nagluntad nga sunog sa isa ka tyangge sa Purok Paraiso, Barangay Gibato, Dumarao, Capiz.
Ang nasambitan nga tyangge ang ginapanag-iyahan ni Dima Gamayao, residente sang nasambit nga barangay.
Sa imbestigasyon sang Dumarao-BFP, wala sang tawo ang amo nga tyangge sang nagluntad ang nasambit nga sunog.
Sa nakuha nga impormasyon sang Bombo Radyo Roxas nagikan sa Dumarao BFP, ginapahayag nga wala sang tawo ang amo nga tyangge sang nagluntad ang nasambit nga sunog.
Natalupangdan nalang sang pila ka mga residente nga yara sa mismo nga lugar, nga nagadaba daba na ang nasambit nga tyangge kag gilayon man ang mga ini nagpanawag sang bulig sa mga katapo sang bumbero agud mapalong gilayon ang kalayo kag indi na maglapta pa.
Sa karon, padayon pa nga gina-imbestigaran sang BFP-Dumarao kun ano ang gintunaan sang amo nga sunog.
