ROXAS CITY– Ginabasol sang duha ka mga persona nga nagasakay sa salakyan ang kakulang sang reflectorized early warning device sa ginakaayo nga dalan sa Barangay Cagay, sining syudad.
Ini matapos nga nasangit ang Toyota Vios Sedan nga salakyan sa stockpile nga nahamtang sa natuo nga bahin sang karsada.
Suno kay Ericson Acielo sang Dulunan, Barangay Mongpong, Roxas City nga sakay sila sang salakyan sang kaupod nga si Edrelyn Venturanza sang nag-agi sa national highway sa Barangay Cagay.
Apang lipod sa ila ihibalo nga may gina-construct nga dalan bangud wala sang reflectorized early warning device nga nakita sa lugar sang nagluntad ang aksidente.
Nahibaluan nga may porsyon sang dalan nga malapok kag madamo sang buho nga wala nalikawan sang salakyan sang mga tagreklamo nga masangit sa stockpile.
Ginabasol sang tagreklamo ang kakulang sang reflectorized early warning device sa lugar antes ang ginakaayo nga dalan, bangud kun may ginpahamtang lamang nga signages makapanginlaman ang mga motorista kag malikawan ang aksidente sa dalanon.
