Kamara, gin-dismiss ang impeachment complaints nga gin-file batuk kay President Marcos

Gin-dismiss sang House of Representatives ang impeachment complaints nga gin-file batuk kay President Ferdinand Marcos Jr., matapos nagboto ang 39 ka mga myembro sang panel nga nagaapruba sa committee report.

Sa hearing, ginpresentar ang committee report sa committee on justice sa diin nagresulta sang diskusyon sang ginkwestyon sang Makabayan bloc kun ngaa gindeklara nga insufficient ang duha ka mga complaints batuk kay Marcos.

Bilang resulta sang pagbinotohay, apat ka mga myembro ang nagpamatok sa report.

Nahibaluan nga ang duha ka mga complaints ang gin-file nanday Atty. Andre de Jesus sa una nga impeachment complaint sang Enero 19, samtang ang ika-duha ang gin-file sang mga myembro sang Makabayan coalition sang Enero 22.