Pormal nga ginbuksan sang Manubo nga Kamara sang Kongreso ang proseso sang budget para sa tanan nga katilingban sibil.
Ini matapos ang turnover ceremony para sa 2026 National Expenditure Program nga ginpangunahan mismo ni Speaker Martin Romualdez.
Sa tion sang seremonya, ginhatag sang lider sang Kamara ang kopya sang 2026 National Expenditure Program sa mga tiglawas sang civil society organizations sa pungsod.
Madumduman, ang Kamara nagpasar sang House Resolution No. 94, nga nagapahanugot sa mga organisasyon sang mga pumuluyo nga mag-intra bilang mga non-voting observers sa mga deliberasyon sa badyet.
Kabahin ini sang reporma sang Kamara agud mangin transparent kag open ang budgeting process.
Nagtambong sa pagsinapol ang mga CSO kaangay sang Social Watch, CODE-NGO, Jesse Robredo Institute of Governance, Philippine Legislators’ Committee on Population and Development, Child Rights Network, Parents Against Vape, Campaign for Tobacco-Free Kids, Multiply-Ed Philippines, FOI Youth Initiative, Safe Travel PH, REID Foundation, People’s Budget Coalition/Citizen’s Budget Tracker, kag Novalerto Youth.
Nagpabutyag man ang CSOs sang suporta sa sini nga lihok sang Kamara.
