Ginpakigbahin ni House Speaker Ferdinand Martin Romualdez nga nagapreparar na ang Kamara nga magpasaka sang motion for reconsideration sa desisyon sang Korte Suprema nga nagadeklarar sang impeachment complaint batuk kay Vice President Sara Duterte.
Una diri, gindeklarar sang Korte Suprema nga unconstitutional ang reklamo batuk sa bise presidente.
Para sa mga hukom, ginlapas sang Kamara ang isa ka tuig nga pagdumili sa mga paghusay sa impeachment.
Suno sa ila, wala ginsunod ang due process, lakip na ang kinamatarong nga pamatian ni VP Sara antes ginpadala sa senado ang reklamo
Apisar nga ginbasura ang karon nga impeachment, ginklaro sang SC nga mahimo liwat mapasaka ang reklamo pagkatapos sang isa ka tuig.
Suno sa House spokesperson nga si Princess Abante, kabahin sang ila katungdanan ang pag-file sang motion nga depensahan ang Constitutional power sang Kongreso sa pagpatigayon sang impeachment.
“This is not defiance. This is constitutional fidelity,” suno kay Abante.
Samtang pila ka mga mamalidha kalakip na si Sen. Francis “Kiko” Pangilinan ang nagduso nga gamiton ang Doctrine of Operative Facts bilang argumento sa amo nga mosyon.
Ini nagatuyo sa pagkilala sang mga epekto sang impeachment antes ini ideklarar nga indi konstitusyonal, kag sa pag-engganyo sa SC nga binagbinagon liwat ang desisyon.
