Ginpasalig ni House Secretary General Reginald Velasco nga nakapreparar na ang Kamara para sa ika-tatlo nga State of the Nation Address (SONA) ni Presidente Ferdinand R. Marcos Jr.
Sa ginhiwat nga SONA inter-agency meeting sa Palasyo sang Malakanyang, ginpahayag ni Velasco ang mga ginahiwat nga renovations sa Kamara para ma-accomodate ang mga partners nagikan sa Office of the President (OP) kag Senado.
Nagpasalamat man si Senate Secretary Renato Bantug sa House of Representatives sa mga pagpreparar sini para sa nasambit nga event.
Ginpamangkot naman ni Presidential Communications Office (PCO) Undersecretary Honey Rose Mercado ang Metro Manila Development Authority (MMDA) sa mga detalye batuk sa traffic rerouting plan nga mahaatagan na sang advisory ang publiko agud makapagpreparar na para sa mga pagahiwaton nga adjustments sa adlaw sang SONA.
Ginreport man sang Philippine National Police (PNP) nga nasa 22,000 ka mga police personnel ang ila nga ideploy sa nagakalai-lain nga bahin sang Metro Manila.
Naghiwat naman sang initial walk-through para sa SONA scenario nagsugod sa pag-abot ni PBBM tubtob sa talumpati sini.
Nakatalana nga sa Hulyo 15, 2024 ang final meeting para sa pagpreparar sa palaabuton nga SONA 2024.
