Pormal na nga ginbaton sang liderato sang Kamara de Representantes, sa pagpanguna ni House Speaker Ferdinand Martin Romualdez, ang 2025 National Expenditure Program (NEP) nga nagabalor sang P6.352 trilyon kahapon nga adlaw.
Ginhatagan pagtamod ni House Appropriations Committee Chairman Rep. Zaldy Co, nga kaupod ni Speaker Romualdez sa pagbaton sang NEP, ang importansya sang NEP nga ginsumiter sang Department of Budget and Management (DBM) sa idalum sang pagpamuno ni Secretary Amenah Pangandaman.
Dugang pa sang Kongresista ang NEP para sa masunod nga tuig indi lamang isa ka plano nga paggastos kundi isa ka paggiya agud malab-ot ang Philippine Development Plan 2023-2028.
Sa pagbusisi sa nasambit nga badyet, ginpahayag ni Co nga ginabinag-binag sang Kongreso ang pagakuhaan sang pondo.
Nagpanawagan man si Co sa iya mga kaupdanan nga siguruhon ang transparency, accountability kag fiscal responsibility sa kabug-usan sang pagtalakay sa pambansang pondo.
