Ginpamatukan sang kampo sang negosyante nga si Atong Ang ang desisyon nga ginpagwa sang Department of Justice (DOJ) nga nagarekomenda sang pagpasaka sang kaso batuk sa ila nahanungod sa ginapahayag pagkaulamid sa pagkadula sa mga manugbulang.
Suno kay Atty. Gabriel L. Villareal, legal counsel sang negosyante, indi patas ang nasambit nga resolusyon para sa mga gin-akusaran kag madamo ini sang sala nga wala nagasanto sa mga pahayag.
Pahayag niya, naka-base sang husto ang resolusyon sa makaduluda nga testimonya sang saksi nga si Julie Patidongan.
Gin-akusaran man ni Villareal si Patidongan nga gina-manipula ang proseso agud masalbar ang kaugalingon.
Ginkwestyon man nila ang wala pag-upod sang DOJ sa pila ka mga nagapanguna nga indibidwal nga ginapahayag may kahilabtanan sa kaso.
Nagapanawagan ini sa Philippine National Police–Criminal Detection and Investigation Group (PNP-CIDG) nga imbestigaran liwat ang kaso.
Matandaan nga ginrekomenda sang DOJ ang pagpasaka sang kaso nga kidnapping kag homicide batok kanday Ang kag 21 ka iban pa kaangut sang pagkadula sang mga manugbulang.
