Gin-athag sang kampo ni Coco Martin nga wala sang koneksyon ang aktor sa anuman nga sahi sang sugal ukon online gaming platforms nga nagalapta online kag nagpanindugan nga wala niya ini gina-endorso.
Sa isa ka pahayag sang CCM Film Productions sa social media, ginhatagan pagtamod nga ang anuman nga endorsement, post sa social media o materyales nga nagapakita sang ngalan, Hitsura ukon anuman nga koneksyon sa sugal ni Coco ang indi otorisado kag pagpatalang.
Ginpanugyanan sang kampo ni Coco ang publiko nga mangin kritikal kag likawan ang pagpakigbahin sa sini nga sahi sang patalang nga promosyon.
Una na nga ginpahayag sang Cybercrime Investigation and Coordinating Center (CICC) nga may suspetsa ang mga ahensya sang gobyerno nga pila ka mga celebrity kag influencers ang may kahilabtanan sa pagpasanyog sang iligal nga online gambling.
