-- ADVERTISEMENT --
Ginmando ni Presidente Ferdinand Marcos Jr. kay Department of Transportation (DOTr) Secretary Vince Dizon nga tanggalon na ang ginhingadlan nga Mt. Kamuning Footbridge nga makita sa Quezon City.
Suno sa tiglikom, personal nga nakita sang presidente ang nasambit nga footbridge kag ginsiling nga indi ini mahimo magamit labi na sang mga may edad na kag mga Person with Disabilities.
Nagakadapat lang suno sa iya nga ilisan nalang sang bag-o kag maayos nga talabukan.
Madumduman nga nag-angkon sang nanari-sari nga komento ang amo nga tulay bangud sa mataas ini kag nagakabudlayan ang mga umalagi diri.
Ginsiguro man ni Dizon nga gilayon sini nga aksyonan ang ginmando sa ila sang presidente.
-- ADVERTISEMENT --
