Kanlaon, liwat nga nakapagkit sang tuman kataas nga sulfur dioxide emission – Phivolcs

Nagpaguha liwat sang abiso ang Phivolcs, matapos nagtaas na naman ang sulfur dioxide gas flux sa Kanlaon Volcano.

Ang emisyon sang sulfur dioxide (SO2) nagikan sa summit crater sang Kanlaon suno sa mga Flyspec measurements kahapon nga adlaw, ika-2 sang Hulyo 2024.

Naglab-ot ini sa average nga 5,083 tonelada kada adlaw.

Ini ang ikaduha nga pinakamataas nga emisyon nagikan sa bulkan nga napagkit subong nga tuig kag ang pangtatlo sang magsugod ang instrumental gas monitoring.

Bag o ang paglupok sadtong ika-3 sang Hunyo 2024, ang Kanlaon nagpaguha sang mas mataas nga konsentrasyon sang volcanic sulfur dioxide gas sa average nga 1,273 tonelada kada adlaw, apang sumugod sadto mas nagtaas pa ini sa average nga 3,254 tonelada kada adlaw.