ROXAS CITY – Nagapanindugan si Punong Barangay Nestor Buenviaje sang Barangay Punta Tabuc nga magaupod ini sa grupo ni Mayor Ronnie Dadivas tubtub sa adlaw sang Eleksyon.
Sa Interview sang Bombo Radyo kay PB Buenviaje, nakalab-ot man sa iya ang mga istorya natuhoy sa mga ginatanyag sa ila nga mga Barangay Kapitan para magbiya sa grupo ni Mayor Dadivas.
Suno pa kay Buenviaje nga wala pa sya matanyagan sang mga grupo sang pulahan kag kun magpalapit gid man sa iya ang mga ini iya ini balibaran kag manindugan nga kay Dadivas ang iya suporta.
Dugang pa ni Buenviaje nga wala man sila ginabalibaran ni Mayor Dadivas sa mga ginapangayo para sa kinahanglanon sang barangay. Samtang ginarespeto naman ni Buenviaje ang mga kaupod niya sa konseho kun ini ang mag-upod sa kasumpong nga grupo.
