DUMARAO, CAPIZ -May persons of interest na ang mga kapulisan sa pag-ransak sang isa ka pawnshop sa banwa sang Dumarao, Capiz.
Sa interview sang Bombo Radyo kay Police Captain Merry Chris Dela Cruz, Public Information Officer sang Capis Provincial Police Office, iya ginpahayag nga naagtukod ang talatapan sang special investigation team nga magabulig sa Dumarao Municipal Police Station agud gilayon nga madakpan ang mga suspect.
Suno kay Police Captain Dela Cruz, masobra 1.7 milyon nga kwarta kag alahas ang nakuha sang tatlo ka persona sa nasambit nga pawnshop.
Pahayag pa niya, nagpagwa na ang ila talatapan sang litrato kag enhanced CCTV video agud nga mas mapadasig ang pagpangita sang mga kawatan sa bulig man sang publiko.
Nagapanawagan man ang natungdan sa tanan nga mga nagapanag-iya sang negosyo nga magpakig-angot sa mga kapulisan agud nga matagaan sang nagakaangay nga proteskyon kag malikawan ang nasambit nga insidente.
Interviewed by: Bombo Sunnie Mae Batencila via Bombohanay sa Udto
