-- ADVERTISEMENT --
Nakakuha si Karl Eldrew Yulo sang silver medal sa vault finals sang Asian Gymnastics Championships sang Dominggo.
Si Eldrew Yulo nakarekord sang average score nga 13.850, nga nagtapos sa ikaduha nga pwesto, sa likod ni Bak Junwoo sang South Korea nga may score nga 13.933.
Samtang si An Daegeon sang South Korea ang nagpangatlo nga may score nga 13.783.
Matandaan nga sang nagligad nga tuig, si Karl Eldrew nagdala pauli sang bulawan nga medalya sa amo man nga kategorya.
Samtang gindala pauli sang iya utod nga si Carlos Yulo ang bulawan nga medalya sa floor exercise finals kag bronze sa individual all-around.
-- ADVERTISEMENT --
