Isa ka kontrobersyal nga desisyon ginpapanaog sang korte sa probinsya sang Overijssel sa Northern matapos gindeklarar nga “null and void” ang kasal sang mag-asawa bangud sa wedding speech nga ginhimo sang artificial intelligence (AI).
Ang kasal natabo sang Abril 2025, sa diin ang nagtindog bilang officiant isa ka abyan sang mag-asawa nga naggamit sang AI application nga ChatGPT sa paghimo sang mas “romantic kag imformal” nga wedding vows.
Apang nalipatan sang ChatGPT ang paglakip sang mandatory declaration sa idalom sang Dutch Civil Code sa diin ang mga mag-asawa pormal nga nagabaton sa isa kag isa bilang legal nga mag tiayon.
Natukiban sang munisipyo ang kakulangan sang gin-review ang video sang seremonya sang kasal, gani gilayon ini nga ginpalab-ot sa fiscal agud i-invalidate ang marriage certificate.
Bisan pa nga ang mag-asawa nagpakitluoy nga kilalahon ang ila kasal bangod ang sayop sa mga tinaga “wala sang pulos” kag may isa ka opisyal nga yara sa pagsaksi, ang korte nagsiling nga ang kasuguan indi mahimo nga isikway.
Bangod sini, gikan sa legal nga pagtamod, ang ila pag-updanay wala gid matabo.
