Ginbasura sang korte ang kaso nga involuntary manslaughter batuk sa actor nga si Alec Baldwin.
Ang kaso ang may kaangtanan sa aksidente nga pagpangluthang sang actor samtang yara sa shooting sang pelikula nga “Rust” sadtong Oktubre 21, 2021 nga ginkapatay sang cinematographer nga si Halyna Hutchins sa New Mexico.
Suno sa desisyon ni Judge Mary Marlowe Sommer, indi maayo ang pagplastar sang prosecution sang mga ebidensiya sa depensa.
Ang desisyon nga ini ang base sa ginpasaka nga motion sang abogado sang actor nga dapat ibasura na ang kaso kag ginakontra ang state investigation sa indi insakto nga pag-turnover sang mga ebidensiya.
Nagahilibion ang actor matapos nga basahon sang judge ang desisyon kag gilayon naman sini nga ginhakos ang asawa nga si Hillaria.
Una na nga ginpamatbatan sadtong Marso sang 18 ka bulan nga pagkapriso ang armorer sang pelikula nga si Hannah Gutierrez Reed.
