ROXAS CITY – Ginbasura sang korte ang kaso nga syndicated estada nga ginpasaka batuk sa ginaalegar utok kag ahente sang kontrobersiyal nga Forex Investment Scheme (FIS) matapos ang isa ka amicable settlement.
Ginmandu ni Regional Trial Court (RTC) Branch 19 Judge Esperanza Isabel Poco-Deslate ang pagbasura sang kaso nga estafa sa idalum sang Article 315, paragraph 2(a) sang Revised Penal Code, as amended in relation to Presidential Decree No. 1689 (syndicated estafa) batuk kanday Lourdes Baarde nga ginbansagan Forex Investment scheme queen, Rachel Chavez, Joel Domayan, Gerlinski Bravo, kag Rebecca Venturado.
Ginba-se ang mandu sa “ex-parte motion to dismiss” nga ginpasaka sang prosekusyon matapos nga nagpasaka ang mga complainants sang affidavits of desistance bangud sa kakulang sang interest nga mapasayon ang kaso.
Nag-ugat ang verified complaint nga ginpasaka nanday Christine Falcis, John Kim Lata, Reymus Briones, Elsa Orola, Michelle Alianza, Rio Briones, Arjun Ocampo, Kathlyn Mae Fuentes, Karen Therese Sumcad, Lucita Chu kag Eugenio Chu lll.
Ba-se sa alegasyon sang mga complainmant nga sang Abril 2018, nagpakilala sa ila si Baarade kalakip ang mga kaupdanan sini bilang mga opisyales sang Forex Investment scheme corporation nga nagahatag sang 30 porsyento nga interest kada bulan sa ila ma-invest nga kantidad.
Ginpasiguro ni Baarde sa natungdan nga mga private complainant nga safe ang ila nga investments kalakip ang interes kada bulan.
