Gin-report sang Department of Agriculture (DA) ang isa ka daku nga pagnubo sang numero sang mga barangay nga apektado sang African swine fever (ASF), nga nagahatag sang paglaum nga maganubo ang numero subong nga tuig.
Suno sa Bureau of Animal Industry (BAI), ang numero sang mga barangay nga apektado sang ASF nga narekord tubtob tungatunga sang Enero nagnubo sa walo gikan sa 98 ka apektado nga barangay tubtob Disyembre 31, 2025.
Sandig sa pinakaulihi nga record sang Bureau of Animal Industry, ang walo ka mga barangay nga may aktibo nga kaso sang ASF ang yara sa Bicol, Central Visayas, kag Caraga.
Samtang, ang apektado nga mga kabanwahanan yara sa Camarines Norte; Balilihan, Candijay, kag Mabini sa Bohol; Jabonga sa Agusan del Norte; kag Santa Monica sa Surigao del Norte.
Suno kay Agriculture Secretary Francisco Tiu Laurel Jr ang dako nga pagnubo sang kaso sang ASF bangud sa wala untat nga pagtinguha sang gobyerno kag pabor nga kondisyon sang panahon.
Padayon naman nga nagapatuman ang Department of Agriculture sang mga tikang sa border control measures kag government-controlled vaccination program sang mga mapagros kag ASF-negative hogs agud ga matapna ang virus.
