ROXAS CITY – Naglab-ot na sa halos lima ka libo ang napagkit nga kaso sang balatian nga dengue sa probinsiya sang Capiz.
Base sa Capiz Epidemiological Surveillance and Response Unit (CESRU) sang Provincial Health Office, naglab-ot na sa 4, 930 ang napagkit nga kaso sang balatian nga dengue sa probinsiya humalin Enero tubtob sini nga bulan sang Agosto.
Nagapanguna sa gihapon sa may pinakamadamo nga kaso sang nasambit nga balatian ang Roxas City nga may 1003 cases; Dao nga may 446; Pontevedra nga may 376; Tapaz nga may 344; Panay nga may 325; President Roxas nga may 298; Ivisan nga may 292; Mambusao nga may 244; Sigma nga may 240; Panit-an nga may 227; Maayon nga may 191; Dumalag nga may 190; Jamindan nga 184; Sapian nga may 161; Dumarao nga may 153; at banwa sang Cuartero kag Pilar nga may tig-128 cases.
Matandaan nga pinaagi sa Executive Order No. 001 nga pirmado ni Governor Esteban Evan “Nonoy” Contreras gindeklarar na ang dengue outbreak sa probinsiya.
Sa karon, may mga inisyatibo ang mga local government units (LGUs) sa tagsa ka mga banwa agud mapasangkad pa ang ila kampanya kontra dengue.
