-- ADVERTISEMENT --
ROXAS CITY-Nagapadayon ang pagtimbuok sang kaso sang COVID-19 sa probinsiya matapos nga nadugangan naman sang 8 ka panibag-o nga kaso kahapon nga adlaw.
Base sa ginpaguwa nga case bulletin sang Capiz Provincial Health Office naglab-ut na sa 151 ang kabug-osan nga napagkit sa probinsiya.
Lima ang nagikan sa Roxas City, kag tig-isa naman sa banwa sang Dumarao, Pontevedra kag Mambusao nga lunsay tanan mga medical frontliners sa Roxas Memorial Provincial Hospital.
Sa nasambit nga numero 48 diri ang ginakabig nga active cases ukon padayon nga ginabulong sa ospital, 98 ang nag-ayo kag nagapabilin sa 5 naman ang ginbawian sang kabuhi.
