Nagnubo ang kaso sang dengue sa probinsya sang Capiz kun ipaanggid sang nagligad nga tuig.
Sa interview sang Bombo Radyo kay Mr. Joeffry Espiritu, Development Management Officer IV kag Information Officer sang Department of Health – Capiz, iya ginpahayag nga nakabalhag sang 1602 ka mga kaso subong nga tuig, mas manubo sa 3,691 ka mga kaso sang tuig 2024.
Suno kay Espiritu, kalabanan mga kabataan ang biktima sang amo nga balatian rason nga tinluan gid ang palibot agud wala na sang pangitlugan ang lamok nga naga–dala sang dengue.
Pahayag pa niya, bug-os man ang pagbantay sang ila nga talatapan kabulig ang mga ospital agud nga matatapan ang mga biktima.
Nagpanawagan man ang natungdan nga magsunod sa mga pahanumdom kag panugyan sang mga opisyal agud nga mapabilin ang kahilwayan sang publiko sa nasambit nga balatian.
