ROXAS CITY – Nagsaka sang 22% ang kaso sang dengue sa Rehiyon VI humalin Enero 1 tubtob Hunyo 8, sini nga tuig kon ikumparar sa pareho nga period sang tinalikdan nga tuig.
Base sa datos nga gin-release sang Department of Health Center for Health Development (DOH CHD) Region 6, narekord ang 3, 482 ka kaso sang dengue sa Western Visayas sa nasambit nga period kun sa diin siyam diri ang napatay.
Nabalhag ang pinakamataas nga kaso sang dengue sa probinsya sang Iloilo nga naglab-ot sa 1,128 kag apat ang patay; ginasundan ini sang probinsya sang Aklan nga may 553 cases kag isa ang patay; Negros Occidental nga may 519 cases kag tatlo ang napatay; probinsya sang Capiz nga may 459 cases kag isa ang patay; probinsya sang Antique nga may 266 cases; syudad sang Iloilo nga may 223 cases; Guimaras nga may 178 cases; kag Bacolod City nga may 156 dengue cases.
Ginpanugyan naman sang DOH 6 nga tumanon ang 4S strategy agud makalikaw sa balatian nga dengue.
