-- ADVERTISEMENT --
ROXAS CITY – Tuman ang pagpasalamat ni City Councilor Moreno ‘Moreng’ Gonzaga bangud nagbulig sa pagpanglimpyo ang mga katapo sang Philippine Coast Guard kag Philippine National Police sa Sancta Maria Mater Et Regina Seminarium ukon Cagay Seminary.
Ang nasambit nga clean up drive ang inisyatibo ni Gonzaga bangud nahilapit na ang pag-instolar ni His Excellency, The Most Rev. Victor B. Bendico bilang Archbishop sang Capiz.
Ginklaro ni Gonzaga, nga indi lang sa Cagay Seminary magatapos ang clean up drive bangud magapanglimpyo man sila sa mga pila ka kabarangayan ilabi na ang coastal areas agud mapabilin ang kalimpyo kag malikaw sa balatian ang mga pumuluyo.
