Liwat nga nakit-an nga magkaupod ang aktres nga si Kathryn Bernardo kag Lucena Mayor Mark Alcala.
Suno sa mga fans, madamo ang nakakita sa duha nga magkaupod samtang yara sa Bonifacio Global City.
Madasig nga nagsakay sa van ang duha sang kaagahon sang Hunyo 6.
Magluwas sini, nakit-an man nga magkaupod ang duha sa isa ka skin care clinic sa Quezon City sa amo man nga adlaw.
Sang Disyembre pa sang nagsugod ang paglapta sang mga huringhuring nga may relasyon ang duha bangud nakita sila sang ila mga fans nga magkaupod.
Ang iban nga mga fans nagasiling nga ini isa lamang ka simple nga pag-abyanay, samtang ang iban kumbinsido nga may “espesyal nga koneksyon” sa tunga sang duha.
Wala pa sang opisyal nga pahayag si Kathryn ukon si Mayor Mark sa nasambit nga isyu.
