Katubuhan ginsunog kag bodega ginpaarakan sang luthang sa Capiz

ROXAS CITY – Ginhungod ang pagsunog sa 1.5 ektarya nga katubuhan kag pagpaarak sang bala sa isa ka bodega sa Barangay Culilang, President Roxas, Capiz.

Suno kay Kapitan Ferdinand Bacanto, administrador sang duta nga ginapanag-iyahan sang Nemesio Tan Land Holdings, nga mismo nakita sang blue guard ang pila ka mga kalalakinhan nga nagasuksok sang bonnet nga nagbiya sa lugar.

Nanugon si Bacanto bangud natalana kuntani nga i-harvest ang mga tubo sa masunod nga bulan sang Marso.

Samtang gin-ako sini nga may mga tawo na sila nga ginasuspetsahan nga yara sa likod sang insedente apang wala gintumod ang mga pangalan bangud nagapadayun pa sa karon ang imbestigasyon.