Opisyal na nga nagpungko bilang bag o nga Prime Minister sang United Kingdom si Labour leader Keir Starmer matapos gin-appoint ni King Charles III.
Sa umpisada sang iya una nga speech bilang Prime Minister sa No. 10 Downing Street sa London, gin-pasalamatan ni Starmer si outgoing Prime Minister Rishi Sunak nga kauna-unahan nga nangin British Asian Prime Minister kag gintamyaw ang mga kadalag-an, dedikasyon kag pagtinguha sini sa idalum sang iya pagpamuno.
Nagpromisa naman si Starmer nga liwat niya nga igabalik ang pagsalig sang ila nga pumuluyo sa gobyerno sa idalum sang iya liderato sa tunga sang liwat pagpati nga madamu nga tawo ang naangut sa politika.
Ginpahayag man ni Starmer nga klaro nga kinahanglan sang ila pungsod sang “bigger reset’ kag nagpromisa sang national renewal.
Una sini, nagpadulong si Starmer sa Buckingham Palace kun sa diin nakigkita ini kay King Charles III kag pormal nga ginmanduan nga magtukod sang isa ka gobyerno.
Samtang, masubra isa ka oras naman bag-o ang speech ni Starmer, naghatag man sang resignation address si outgoing British PM Rishi Sunak sa No 10 Downing street matapos nga dalayon nga nagpanaog sa pwesto matapos nga mapiyerde sa katatapos lang nga general election.
