Ginkalipay sang Gilas Pilipinas ang pagmayad na ni 2-time UAAP men’s basketball Most Valuable Player Kevin Quiambao.
Ginkumpirmar ni Gilas assistant coach Richard del Rosario nga makaupod na si Quiambao sa ila exhibition game nga pagahiwaton sa Doha sa palaabuton nga Pebrero.
Magaabot ini sa pungsod gikan sa Korea sa Pebrero 12 kag makadungan pa sa grupo sa biyahe padulong sa Doha sa Pebrero 13.
Pagahiwaton ang exhibition game sa Doha humalin Pebrero 14 tubtob 16 kun sa diin makaatubang nila ang host country nga Qatar, Lebanon kag Egypt.
Ang nasambit nga hampang ang bilang paghanda na man para sa third window sang FIBA Asia Cup Qualifiers kun sa diin makaatubang nila ang Taiwan sa Pebrero 20 samtang ang New Zealand naman sa palaabuton nga Pebrero 23.
Matandaan nga nagkabalaka ang Gilas matapos nga mag-angkon sang right ankle injury si Quiambao sa kasagsagan sang paghampang sini sa Korean Basketball League (KBL) sang Enero 12
