Indi posible nga mag-untat sa madali nga panahon ang mga pagpanghangkat sa seguridad sa West Philippine Sea bangud sa nagalala nga tensyon kag agresibo nga mga aksyon sang China sa rehiyon, suno kay National Security Adviser Eduardo Año.
Sa isa ka forum, ginhatagan pagtamod ni Año nga padayon ang pagpamahog sang China sa West Philippine Sea (WPS) paagi sa iligal nga presensya, militarisasyon, kag pagpangharass sa mga Pilipino nga mangingisda, ilabi na sa Bajo de Masinloc (Scarborough Shoal).
Ginsiling sini nga ang padayon nga pagbalewala sang China sa 2016 arbitral ruling kag ang agresibo nga aksyon sang coast guard kag navy maathag nga paglapas sa mga kinamatarong.
Ini nga mga taktika nagalakip sang makatalagam nga mga maniobra, paggamit sang mga laser kag water cannon, kag pagpahalin sa mga mangingisda nga Pilipino.
Suno pa sa iya nga indi basta-basta nga isungka sang Pilipinas ang ila integridad sa teritoryo.
