Mahilig ka bala mag-travel kag nagapangita sang instagrammable nga lugar?
Gani, perfect sa imu ang Singapore kun sa diin kilala sa mga iconic landmark kag malapit pa sa Pilipinas.
Pila sa mga lugar nga mahimo mu padulungan amu ang Jewel Changi, Merlion Park, Haji Lane, Sentosa Island, kag Fort Canning. Apang indi makompleto ang Singapore trip kung indi mapadulungan ang sikat nga Gardens by the Bay nga kilala “City in Nature.”
Ginkilala man ini nga eighth top attraction sa bilog nga kalibutan sa Tripadvisor Travelers’ Choice Awards Best of the Best 2024.
Mahibaluan nga yara sa 1.5-M nga mga nanari-sari nga tanum ang makit-an sa Gardens by the Bay. Kaangay na lamang sa Flower Dome Garden Trail nga may mga tanum nga nagikan pa sa Mediterranean region.
Makit-an man sa lugar ang Carnival of Flowers nga kilala sa Toowoomba Carnival of Flowers sang Australia. Ang Cloud Forest naman ang isa sa pinakamataas nga indoor waterfalls kag paborito sang mga lokal kag turista.
Isa naman sa newest attraction sang Orchid Haven’s amu ang Gardens by the Bahay Kubo: A Fiesta of Orchids.
Sa pihak nga bahin hinimuan ini sang 20 Filipino domestic workers kag mga estudyante kung sa diin luyag nga maipakita ang kultura sang mga Pinoy sa Singapore. Bangud sini, daw kaangay art museum naman sa isa ka garden ang Impression of Monet: The Exprerience nga makit-an man sa Gardens by the Bay.
Music and lights naman ang ginadul-ong sang breathtaking view sang Supertrees sa Garden Rhapsody. Samtang, ginabulubanta nga masobra 100-M nga bisita ang nagapadulong sa Gardens by the Bay.
