Kusina sang isa ka karinderya sa banwa sang Dumalag, gintupok sang kalayo

DUMALAG, CAPIZ – Totally burned ang kusina sang isa ka karinderya sa Poblacion, banwa sang Dumalag matapos masunog kaina ala 1:18 sang kaagahon.

Ginkilala ang tag-iya sang amo nga kalan-an nga si Pedro Venus, 50-anyos nga residente sang nasambit nga lugar.

Sa inisyal nga impormasyon nagikan sa Bureau of Fire Protection-Dumalag, nagsugod ang kalayo sa kusina nga human sa light materials.

Madasig naman ini nga ginrespondehan sang katapo sang Dumalag BFP kag gindeklarar nga fire out ala 1:59 sang kaagahon.

Ginabanta nagdangat sa mas ukon menus P17,500 ang nangin kahalitan sang amo nga sunog.

Sa karon padayon pa ang imbestigasyon sang Dumalag Fire Station sa nasambit nga insidente.

(Photo credits: Dumalag PNP)