-- ADVERTISEMENT --
Patay ang isa ka labourer matapos ginapahayag nalumos sa Baybay Beach, Barangay Baybay, Roxas City.
Sa impormasyon nga nakuha sang Bombo Radyo nagikan sa Roxas City PNP, ginkilala ang biktima kay Steve Villeza, 45-anyos, kag residente sang Barangay Lacaron, Dao, Capiz.
Suno diri nga base kay Aida Lubaton, yara sa legal nga pang-edaron, pakaisa sang biktima ginpahayag sini nga samtang nagalangoy ang biktima hinali lamang ini nga nalumos sa wala mahibaluan nga rason.
Nagapati man ini nga yara sa impluwensya sang makahulubog nga ilimnon ang biktima.
Ginpadangat pa sa Roxas Memorial Provincial Hospital ang biktima apang gindeklarar ini nga Dead on Arrival sang doktor.
-- ADVERTISEMENT --
