Halos tanan nga senador sa 19th Congress may yara sang P100 billion insertions sa 2025 national budget.
Ini ang ginbuyagyag ni Senate Pro Tempore Panfilo Lacson nga amo man ang chairman sang Senate Blue Ribbon Committee.
Suno kay Sen. Lacson, nakit-an niya ang mga dokumento may kaangtanan sa pondo nga iya sang Senado kag may yara man sang listahan sang mga congressmen nga wala pa niya ma-usisa.
Pahayag niya, ang mga involved sa insertions amo ang kadam-an sa mga senador sang 19th Congress sa diin wala na niya ginhingadlan pa.
Ginpahayag man sang senador nga kun wala kuntani sang budget insertions, wala man kuntani sang usikan nga kwarta ang mga district engineering offices.
Nagpanawagan ang nasambit nga senador sa mga kaupdanan sini nga mga mamalidha nga buligan ang pag-amyendar sang pagpain sang pondo nga natalana kuntani sa mga big-ticket projects.
