MANILA – Preparado si Senator-elect Panfilo “Ping” Lacson para sa nagahulat nga impeachment trial batok kay Vice President Sara Duterte nga posible suguran sa Hulyo.
Apisar nga nagsiling si Lacson nga preparado sya para sa paghukom, kinahanglan suno sa iya nga makumbinsi sila nga magatindog bilang senator-judge sang mga prosekutor gikan sa Kamara.
Kinahanglan suno sa iya nga magpresentar ini sang mga mabakod nga ebidensya.
Ginpahayag pa ni Lacson nga mabudlay nga magka-conviction kun maluya ang ebidensya kontra kay Duterte. Subong man, mabudlay nga magka-acquittal kun mapag-on ang ebidensya.
Nakuha ni Lacson ang ika-pito nga pwesto sa senatorial race sa nagtakop lang nga eleksyon 2025.
Sa pagsulod sang 20th Congress, magserbe siya bilang senator-judge sa impeachment trial batok kay VP Sara nga posible suguran sa Hulyo 30.
