ROXAS CITY – Mabaskog ang pagpati sang amay sang Grade 9 student nga aksidente lamang ang pagkamatay sang anak nga nauna nga ginreport nga naghikog.
Sa exclusive interview sang Bombo Radyo Roxas kay Vicente Banhao, ama ni alyas Ella ginpahayag sini nga kilala nga masadyahon kag joker nga bata ang anak.
Wala sang palatandaan nga mapanginmatay ang dalagita bangud malipayon pa ini nga nagpaninlo sang ila nga balay sang mag-abot gikan sa eskwelahan.
Nakita man ang ginauyatan nga strawless sang dalagita kag sang estoryahon ginpahayag sini nga lahog lamang ang iya nga himoon.
Apang nakibot na lamang ang utod ni Ella sa pagsulod sa hulot sang makita ang nagabitay nga biktima.
Gilayon nga gindala sa ospital ang dalagita apang gindeklara ini nga dead on arrival sang doktor.
