Isa ka Lalake sa Texas ang nakapilo sang 250 ka paper planes sa sulod sang isa ka oras katumbas sang apat kada minuto kag ginpamatud-an nga makalupad ini bilang kabahin sang iya pagtinguha nga gub-on ang Guinness World Records.
Si Richard DeFreece gikan sa Tyler, Texas una nga nag-apply sa Guinness World Records duha ka tuig na ang nakaligad.
Sang Disyembre 2025, nakabaton siya sang opisyal nga pahanugot para sa iya pagtinguha, kag natapos niya ini sang nagligad nga Sabado.
Sa sulod sang gintalana nga tion, natapos ni DeFreece ang 250 ka eroplano nga papel, nga naglabaw sa target sang Guinness nga 200. Gin-usisa sang isa ka opisyal ang tagsa ka eroplano pagkatapos sang pagtinguha nga masiguro nga ini tanan ang makalupad.
Nahibaluan nga ang pagguba sang world record ang madugay na nga handum ni DeFreece sa malawig nga panahon.
Samtang, ang world record breaking attempt ni DeFreece ang kianhanglan pa nga repasuhon sang Guinness World Records bago antes ini mangin opisyal.
