-- ADVERTISEMENT --
PONTEVEDRA, CAPIZ – Arestado ang isa ka lalaki nga nagapatigayon sang iligal nga pagpataya nga sugal ukon “bookies” sa Barangay Poblacion Ilawod, Pontevedra.
Ang nadakpan amo si alyas “Jose”, 57-anyos kag residente sang Barangay Sublangon sa nasambit nga banwa.
Base sa impormasyon nga nakuha sang Bombo Radyo Roxas sa Pontevedra Municipal Police Station, narekober sa pagdakop kay Jose ang isa ka cotejo, iban pa nga gambling paraphernalia kag P105.00 nga koleksyon gikan sa iya mga pataya.
Magapangatubang ini sang kaso nga paglapas sa Presidential Decree 1602 ukon Philippine Gambling Law.
Sa karon, yara na ini sa kustodiya sang Pontevedra Municipal Police Station para sa nagakaigo nga disposisyon.
