ROXAS CITY, CAPIZ- Arestado ang isa ka lalaki matapos nga nakuhaan sang iligal nga droga kag hinangiban sa Sitio Cassandra, Barangay Punta Tabuc, Roxas City.
Ang lalaki amo si alyas ‘Florencio’, 44-anyos, kag residente sang Barangay Tiza, Roxas City.
Sa interview sang Bombo Radyo kay Police Chief Master Sergeant Ramil Arcangeles, tigpamaba sang Roxas City Police Station, iya ginpahayag nga bangud sa pagpanghana sang hinangiban sang amo nga lalaki sa mga kapulisan, natigayon ini nga naaresto.
Dugang pa sini, kasunod sang pag-aresto, ginrikisa pagid ini kag didto natukiban nga may yara ini sang iligal nga droga.
Nakuha sa paghinakop sang amo nga persona ang isa ka hinangiban, kag 35 tanan ka sachets sang ginapatihan shabu.
Nagapangatubang ini sa karon sa kaso nga pagbayolar sa Batas Pambansa Bilang 6 ukon ang pagdala sang mga patalom kag kaso sa paglapas sa Republic Act 9165 ukon ‘Comprehensive Dangerous Drugs Act of 2002.’
Sa karon, nagapabilin ini sa kustodiya sang Roxas City Police Station para sa nagakaigo nga disposisyon.
Interviewed by Bombo Sunnie Mae Constantino Batencila
