Arestado ang isa ka lalaki matapos nga ginserbihan sang warrant of arrest sa Barangay Lawaan, Roxas City.
Ang arestado amo si alyas ‘John,’ 25-anyos kag residente sang Barangay Tiza, Roxas City.
Sa interview sang Bombo Radyo kay Police Lieutenant Colonel Rodelio Tomagtang Jr. iya ginpahayag nga natigayon ini nga madakpan pinaagi sa pag-conduct sang motorcycle patrol sang mga katapo sang Roxas Component City Police Station.
Suno kay Tomagtang, ang subject person ang may kaso man nga robbery.
Nahibaluan nga ang warrant of arrest ang gin-isyu kag ginpirmahan ni Hon. Aida Raissa T. Espinosa, Presiding Judge sang Municipal Trial Court in Cities Sixth Judicial Region, Branch 4, Roxas City kag napetsahan Mayo 19, 2026.
Ginrekomendar naman sang korte ang balor P18,000 nga piyansa para sa temporary sini nga kahilwayan.
Sa subong, yara na sa paghinakop sang Roxas Component City Police Station ang nadakpan para sa nagakaigo nga disposisyon.
Nagpasalig man ang natungdan nga pagatutukan niya ang mga naga-engage sang illegal nga buluhaton agud matapna kag mapabilin nga safe kag malinong ang syudad sang Roxas.
