-- ADVERTISEMENT --
ROXAS CITY – Arestado ang 34-anyos nga driver matapos nga naaresto sa drug buy bust operation sang gintingub nga pwersa sang Provincial Drug Enforcement Unit (PDEU), Pontevedra kag President Roxas Municipal Police Station sa Barangay Lantangan, Pontevedra, Capiz.
Ginkilala ang subject person kay Eduardo Bermejo Sr. sang Barangay Marita, President Roxas.
Narekober kay Bermejo ang anum ka mga sachets sang ginapatihan shabu, P500 nga marked money kag cellphone.
Sa karon nakahunong na sa karsel ang drug personality kag natalana nga pasakaan sang paglapas sa RA 9165 ukon Comprehensive Dangerous Drugs Act of 2002.
