-- ADVERTISEMENT --
ROXAS CITY -Arestado ang isa ka drug suspek sa atubang sang bulangan sa ginpatigayon nga drug buy bust operation sang Provincial Drug Enforcement Unit sa pagpanguna ni Senior Inspector Hilbert Gervero sa Barangay Tanza, Roxas City.
Ginkilala ang suspek nga si Reynaldo Aringo alyas Naldo 56-anyos sang Barangay Talon, Roxas City apang nagatenir sa Barangay Punta Tabuc, Roxas City.
Nakuha sa posesyon ni Aringo ang tatlo ka sachet sang shabu kag P1,000 nga marked money.
Sa karon gindala na sa Regional crime laboratory sa Iloilo ang mga sachet sang droga nga nakuha sa suspek para sa eksaminasyon.
