Dakop ang isa ka newly identified street level individual nga lalaki nga nagaduso sang ilegal nga droga sa ginpatigayon nga drug buybust operation sa banwa sang Ivisan.
Ginkilala ang nadakpan nga si Daniel Fegurac Bernaldez, alyas “Janjan”, 30-anyos kag residente sang Barangay Ilaya, sa banwa sang Ivisan.
Natigayon nga madakpan si alyas “Janjan” sa gintingub nga pwersa sang Capiz-PPDEU, Cluster SDET sang Ivisan MPS , Mambusao MPS kag Sigma MPS.
Samtang, nabakal kay alyas “Janjan” ang isa ka sachet sang ginapatihan shabu kag dugang nga nakuha sa iya posesyon ang 5 pa ka sachets sang ilegal nga droga kag P500.00 nga buy-bust money.
Nakuha sa amo nga persona ang 2 tanan ka gramo sang shabu nga may standard drug price nga Php 13,600.
Mahibaluan nga indi drug surrendee ang nasambit nga persona kag madugay na ini nga ginamotor.
Sa karun, yara na sa paghinakop sang Ivisan Municipal Police Station ang nasambit nga persona kag magapangatubang sa kaso nga paglapas sa Republic Act 9165 ukon Comprehensive Dangerous Drugs Act of 2002.
