ROXAS CITY – Dakop sa akto nga nagapatigayon sang iligal nga pagpangisda ang isa ka lalaki sa banwa sang Sapian.
Ginkilala ang nadakpan kau alyas “Rome” residente sang Barangay Basiao, Ivisan, Capiz.
Natigayon nga madakpan si alyas “Rome” pinaagi sa gintingub nga pwersa sang Sapian Municipal Police Station, Sapian Fishery Law Enforcement team kag Municipal Agriculture Officer.
Kaso nga paglapas sa Ordinance No. 4 Series of 2006 (Fishery Ordinance of the Municipality of Sapian Province of Capiz) on Art. XI, Sec. 1 Fishing without valid license; Art. XI, Sec. 3 Fishing by a person not registered within the Municipal Registry; Art. XI Sec. 4 Fishing by a vessel not registered within municipality kag Art. XI Sec. 10 Use of active gear within municipal water ang paga-atubangon sang nasambit nga persona.
Sa karun yara na sa kustodiya sang Sapian Municipal Agriculture Office ang nadakpan subong man ang mga nakumpiskar nga fishing vessel kag iban pa nga mga fishing paraphernalia’s para sa nagakaigo nga disposisyon.
