ROXAS CITY-Pilason ang driver sang motorsiklo matapos nga maaksidente sa Barangay Rosario, Pilar, Capiz.
Ginkilala ang biktima nga si John Erron Acayan, 26-anyos sang Barangay Cayus sang amo man nga banwa.
Sandig sa inisyal nga imbestigasyon sang Pilar Municipal Police Station nagaguwa nga samtang ginasubay sang biktima ang dalanon, ginaalegar nga nadulaan ini sang kontrol sa manibela rasun nga lumapaw ini sa kurbadahon nga porsyon sang karsada kag bumunggo sa riles.
Nag-angkon sang pilas sa magkatuhay nga porsyon sang kalawasan ang biktima nga gindala sa Bailan District Hospital kag padayon nga ginabulong.
Ginaalegar nga tuman ka dasig ang pagpadalagan sang biktima sa ginamaneho nga motorsiko nga ginapahayag nagapakarera man sa isa pa ka motorsiklo.
