ROXAS CITY – Patay ang isa ka lalaki matapos nga ginbuno sang kainom takna 11:45 kagab-I, Marso 9 sa Barangay Duyoc, Dao Capiz.
Ginkilala ang biktima kay Julito Esteban, 43-anyos samtang ang suspek amu si Apolonio Olano, 52-anyos lunsay residente sang nasambit nga lugar.
Sandig sa imbestigasyon sang Dao Municipal Police Station, samtang naga-inom-inom ang duha sa payag ni Ruben Ebron, sang nagluntad ang mainit nga argumento sa tunga sang duha kag hinali nga ginbuno ni Olano ang biktima sa nawala kag tuo nga dughan.
Gintinguhaan pa sang Dao Emergency Response Unit nga dal-on sa ospital si Esteban apang gindeklarar nga dead on arrival sang doktor.
Ginturn-over naman sang Barangay Tanod, ang kutsilyo nga may 18 pulgada ang kahabaon sa nagresponde nga kapulisan.
Ginatan-aw man nga motibo sa krimen amu ang ini pag-intindihanay.
Nagapadayon naman ang imbestigasyon angut sa insidente.
