ROXAS CITY – Pilason ang 28-anyos nga lalaki matapos nga ginbuno sa Sitio Proper, Barangay Casanayan, Pilar, Capiz, alas-11 kagab-i, Abril 5.
Ginkilala ang biktima kay Ryan Aguilar.
Samtang ang suspek amu si alyas “Cafgu Calinao” 34-anyos nga lunsay mga residente sang nasambit nga lugar.
Sandig sa impormasyon nagikan sa mga katapo sang Pilar MPS, nga nagabakal sang sigarilyo ang biktima kag hinali nalang ginbuno sang suspek.
Bangud diri, nag-angkon sang pilas sa nawala nga porsyon sang iya likod ang nasambit nga biktima.
Ginpadangat ini sa Capiz Emmanuel Hospital para sa pagbulong.
Madasig nga nalagyo ang suspek kag sa karon at-large sa mga kapulisan.
Ginapahayag nga ‘pagpang-tripping’ ang motibo sa insidente.
Nahibaluan nga nagasaulog sang kapiyestahan ang nasambit nga barangay, kahapon nga adlaw.
