ROXAS CITY – Pilason ang isa ka lalaki matapos nga luthangon sang pakaduha sa Sitio Balagon, Barangay Jaena Norte, Jamindan, Capiz.
Ginkilala ang biktima nga si Rolando Agustino nga nag-angkon sang pilas sa likod nga naglapus sa iya nga dughan..
Sa interview sang Bombo Radyo kay PO3 Elvis Villasis, imbestigador sang Jamindan PNP, nagkita sa barangay hall ang biktima kag ang ginareklamo nga pakaduha nga suspek nga ginkilala ng si Samuel Sarandona para aregluhon ang konflikto nga nagpatunga sa magtimbang nga bahin nga nag-ugat sa pagguba sang cement mixer sa ginakaayo nga karsada sa ila nga lugar.
Nagapauli na ang biktima kag kaupdanan sini sang bantayan sang grupo sang suspek, sa diin nakangkon sang mainit nga diskusyon ang magpakaisa
Posible bangud indi na makontrol sang suspek ang kaakig ginluthang na lamang sini ang biktima nga gilayon gindala sa ospital samtang madasig naman nga nagpalagyo ang suspek kag ang mga kaupdanan sini..
