CUARTERO, CAPIZ – Kritikal ang isa ka 20 anyos nga lalaki matapos matiruhan sang iya tiyo sa Barangay Sinabsaban, Cuartero, Capiz
Ginkilala ang biktima kay Justin Baluncio, 20 anyos sang nasambit man nga lugar.
Base sa imbestigasyon sang mga kapulisan nga may yara sang indi pag-intiendihanay sa tunga sang utod sang biktima kag suspek nga si Juanito Peral, 59 anyos sang amo man nga lugar.
Bangud diri, ginkadtoan sang biktima ang balay sang iya utod apang sang yara pa lamang ini sa guwa hinali na lamang ini gintiro sang suspek sa dughan gamit ang 1 homemade single shot armalite.
Nag-angkon sang pilas sa dughan ang biktima kag gilayon naman gindala sa ospital.
Sa karon, nakahunong na sa karsel sang Cuartero PNP ang suspek matapos boluntaryo naman nga nagsungka sa mga kapulisan.
