Posible nga yara sa impluwensya sang makahulubog nga ilimnon ang isa ka lalaki nga nag abusar sa Barangay Hall sang Barangay Lonoy, Roxas City kadungan sa adlaw sang paskwa.
Ang wala na ginhingadlan nga lalaki, nagapang edaron sang ginabulubanta 30 anyos kag residente sang nasambit nga lugar.
Sa interview sang Bombo Radyo kay Punong Barangay Ferdinand Valles sang Barangay Lonoy, ginpahayag nga wala suno ini sang natandaan nga naka-atraso nga pumuluyo sa ila nga barangay agud nga himuon ang kasubong sini nga hitabo.
Pahayag pa ni Valles, nga amo ini ang una nga kahigayunan nga na- eksperyensyahan ini sang ila barangay.
Mahibaluan, nga wala nila ginlauman nga abusaran sang wala na ginhingadlan nga lalaki ang ila nga barangay hall pamaagi sa pag basya sang pintura sa pertahan nga crystal kag pagpang wasak sang mga tanom nga naka-kaang.
Samtang, natumod naman ang pagkakakilanlan sang amu nga persona pinaagi man sa kuha sang Closed-Circuit Television nga nakakabit sa amu nga Barangay Hall.
Sa karon, gina-imbestigaran kag ginahikot na sang Barangay Officials ang mga dokumento agud mapanabat ang may kahimuan sang amo nga pagpang-abusar sa nasambit nga talatapan.
