Wala napunggan sang isa ka Indonesian conservationist ang iya paghilibion matapos nga nakit-an nila ang isa ka talagsahon nga bulak sa kagulangan nga 13 ka tuig na niya nga ginapangita.
Sa isa ka video nga makit-an si Septian Andriki ukon “Deki” nga nagahibi pagkatapos nila makita ang Rafflesia hasseltii, nga “isa ka tanom nga mas makita sang mga tigre sangsa mga tawo,” suno sa University of Oxford.
Si Deki nag-upod sa grupo sang mga researcher nga nagapatigayon sang pagtuon sa Rafflesias.
Ginpangita ini ni Deki sa sulod sang 13 ka tuig kag nag-agi siya sa nagkalainlain nga sahi sang katalagman agud lang makita ang bulak.
Nagtener sila sang 23 ka oras sa Sijunjung, West Sumatra antes nila nakita ang Rafflesia hasseltii sa kagulangan sa diin nagapuyo ang mga tigre kag rhino.
Ang nasambit nga Rafflesia isa ka parasitic flower nga makita sa Southeast Asia, kag ginakabig nga world’s largest single flower.
Ang pagpangita sa Rafflesia hasseltii kabahin sang isa ka major regional research project nga magatuon sang full genetic relationships nga mga kaangtanan sang Rafflesias.
Dungan man ini nga ginahimo sang mga researcher sa Indonesia, Malaysia kag Pilipinas.
Samtang, target naman sang mga scientist nga makahatag sang mga rekomendasyon may kaangtanan sa conservation strategies nga dapat himuon base sa mga genetic kag ecological findings sang mga Rafflesia.
